Ju jeni ata studentë që do ta zgjidhni vetë të ardhmen tuaj, deklaroi kancelarja gjermane, Angela Merkel duke iu drejtuar të diplomuarve të Harvardit.
”Proteksionizmi dhe konfliktet tregtare vënë në rrezik tregtinë e lirë, që është themeli i begatisë sonë”, theksoi ajo.
“Duhet të jetë mënyra jonë e të menduarit dhe veprimet tona ato që duhet të kenë dimension multilateral dhe jo të njëanshëm. Ato duhet të jenë më shumë globale sesa kombëtare. Ne duhet të jemi largpamës dhe të mos pëkrahim izolimin”, theksoi kancelarja në atë që duket të jetë një referencë indirekte ndaj presidentit Donald Trump.
“Me pak fjalë, duhet të punojnë më shumë së bashku se sa të vetëm. Ju ftoj të mos ndërtoni mure fizike apo mendore’’, shtoi Merkel.
Pasi mori një duartrokitje të gjatë, kancelarja përfundoi duke thënë se ”duke punuar së bashku, shoqëria mund të jetë më e mirë dhe mund t’u përgjigjet edhe çështjeve më të vështira”.
/a.rada
