Pas referendumit ku britanikët votuan për daljen nga Bashkimi Evropian, Parlamenti Evropian u mblodh në një seancë të jashtëzakonshme ku mori vendimin për të çuar më tej procesin e daljes së shpejtë të Britanisë nga unioni. Nëpërmjet një rezolute PE vendosi aktivizimin e artikullit 50 të Traktatit të Lisbonës për daljen e menjëhershme të Britanisë nga BE. Kancelarja Angela Merkel ishte mjaft e ashpër kur tha se Britania nuk mund të zgjedhë vetë gjërat që i shkojnë për mbarë.
“Londra nuk mund të zgjedhë çfarë t’i vijë për mbarë. Do të bëjmë të mundur që negociatat të nisin sa më herët. Kush largohet nga një familje nuk mund të shpresojë që të ruajë vetëm privilegjet duke lënë mënjanë detyrimet. BE është mjaftueshëm e fortë për të mbijetuar nga dalja e Britanisë dhe do të vazhdojë përpara me 27 shtetet anëtare”., tha kancelarja gjermane Angela Merkel./a.m.
