Kancelarja gjermane, Angela Merkel dënoi sot sulmin terrorist në Stamboll dhe deklaroi se Gjermania është në anën e Turqisë në luftën kundër terrorizmit.
Gjatë një konference të përbashkët për shtyp me presidentin azer, Ilham Aliyev, ajo tha se ishte e pikëlluar nga lajmi i ardhur nga Stambolli.
”Është e trishtueshme që 11 persona kanë humbur jetën për shkak të urrejtjes dhe verbërisë së terroristëve”, deklaroi Merkel.
“Kur bëhet fjalë për luftën kundër terrorizmit, Gjermania qëndron në anën e Turqisë”, theksoi ajo. (java / r.a)
