Kancelarja Merkel i ka deklaruar BBC se bisedimet me Greqinë po rezultojnë shumë të vështira. Megjithëse kryeministri grek ka deklaruar se vendi i tij po kërkon një “kompromis të sinqertë”, Merkel u ka thënë kolegëve të saj të vendeve anëtare se Gjermani qëndron kundër konceptit të arritjes së marrëveshjes me çfarëdo çmimi. Kjo deklaratë shkon në linjë të drejtë me humoret e këqia të opinionit publik në Gjermani, në lidhje me qëndrimin grek.
Më parë, ministri gjerman i financave Shtojble, pati supozuar daljen e Greqisë nga Euro për një periudhë pesëvjeçare, gjë që u hodh poshtë nga vendet e tjera.
