Pas skandalit të Volkswagenit me modelet dizel në Amerikë, Mercedes-Benzi është duke konsideruar të largojë gjithë modelet me naftë në SHBA.
Duke folur për “AutomotiveNews”, zëvendëspresidenti Matthias Luehrs ka konfirmuar se kompania po e sheh si të paarsyeshme humbjen e kohës me marrjen e lejes nga autoritetet e SHBA-së për shitjen e modeleve dizel dhe mund të largojë të gjitha modelet me naftë në këtë treg.
“Duhet të shohim se çfarë është të ofrosh modele dizel në të ardhmen. Nuk kemi ardhur në përfundim, por tentojmë gjithmonë që të krijojmë automobila sipas dëshirës së klientëve”, ka thënë ai për Automotive duke shtuar se “opsion teorik” është edhe largimi i modeleve dizel, citohet Koha. (b.an)
