42-vjeçari nga Anglia, Ales Lewis, ka treguar eksperiencën e tij pasi u prek nga një bakter i rrezikshëm. Ai tregon se gjithçka filloi me një grip të thjeshtë: ethet e zakonshme sezonale. Aleksi besonte se ishte prekur nga sëmundja klasike e vjeshtës. Megjithatë, në Nëntor 2013, jeta e tij ndryshoi në mënyrë tragjike dhe tani, për fat të keq, fytyra e tij është shpërfytyruar dhe ai nuk ka më asnjë gjymtyrë.
Edhe pse e kapën ethet, Aleksi nuk u shqetësua sepse mendonte se është sëmundje sezonale dhe është normale. Mirëpo, kur temperatura filloi të ngrihej jashtë mase dhe të mos ulej nga asnjë ilaç, familja e Aleksit filloi të shqetësohej. Ai qëndroi në agoni për 10 ditë. Kur ethet u ulën dhe u zgjua, kuptoi se lëkura i ishte bërë vjollcë: Ishte prekur nga një infeksion shumë i rëndë. Edhe pse përfundoi direkt në spital, ishte e kotë, Aleksit iu prenë gjymtyrët dhe iu rindërtua një pjesë e fytyrës, e cila u shpërfytyrua nga bakteri vrasës: Streptococcus A, sipas medias Il Mattino.
Alex e kuptoi shumë vonë se çfarë po ndodhte brenda trupit të tij dhe për fat të keq i nënvlerësoi simptomat. Bakteri nëse kapet me vonesë mund të sjellë pasoja shumë të rënda si në rastin e 42-vjeçarit anglez.
Për këtë arsye, Aleksi u bëri thirrje të gjithë prindërve të fëmijëve të vegjël: Nëse ata sëmuren me grip, mos e nënvlerësoni kurrë, por bëni të gjitha kontrollet e nevojshme. Mbajini fëmijët tuaj larg asaj që më ndodhi mua.
/a.r
