Policia ka asgjësuar 6500 rrënjë kanabis sativa në Memaliaj.
“Në vendin e quajtur Përroi i Kuq, Rrapaj, njësia administrative Luftinjë, Memaliaj u gjetën të kultivuara 1200 bimë të dyshuara kanabis sativa, ndërsa në afërsi të fshatit Luftinjë 1, njësia administrative Luftinjë u konstatuan dhe u asgjësuan me anë të djegies 5300 bimë kanabis”, njofton policia.
Policia po punon për identifikimin dhe kapjen e autorëve. Materialet i kaluan Prokurorisë së Rrethit Gjyqësor Gjirokastër për veprën penale “Kultivim i bimëve narkotike “. /r.a
