Duket se origjinaliteti nuk është pika më e fortë e Zonjës së Parë të Shteteve të Bashkuara. Pas akuzave për kopjimin e fjalimit të Michelle Obama, tashmë një tjetër rast plagjiaturë rëndon mbi Melania Trump. Ajo ka publikuar një broshurë në lidhje me fushatën e lundrimit të sigurt të fëmijëve në internet, e cila duket se është identike me versionin e vitit 2014 të botuar nga administrata Obama.
Zonja e parë e Amerikës ndodhet për të disatën herë në qendër të akuzave për plagjiaturë. Në një broshurë të paraqitur nga Melania Trump për fushatën mbi lundrimin e sigurt të fëmijëve në internet, është vërejtur një ngjashmëri befasuese me një dokument me të njëjtën përmbajtje të lëshuar nga administrata Obama.
Trump nisi të hënën iniciativën Be Best, lëvizje të cilës i ka dedikuar dhe një ëebsite ku prindërit mund të gjejnë broshurën me informacione mbi lundrimin e sigurt të fëmijëve në internet. Por pas reagimeve të ashpra në mediat sociale përmbajtja u korrigjua dhe u përkufizua si një promovim që Trump i bën broshurës ekzistuese.Një tjetër rast plagjiaturë u shënua në vitin 2016, kur zonja e parë gjatë një fjalimi kishte përdorur të njëjtat fjalë me paraardhësen e saj Michelle Obama, përgatiti Express. (b.an)
