Ministria e Energjisë dhe Industrisë (MEI) ka përfunduar dokumentin strategjik, që lidhet me objektivat e zhvillimit të industrisë joushqimore, në një periudhë afatgjatë 10 vjeçare.
Ky dokument bën një analizë të përgjithshme të kësaj industrie dhe propozon masa për zhvillimin e mëtejshëm të saj. Për të arritur objektivat është parashikuar një kosto 14 miliardë lekë, por qeveria do të ndërhyjë vetëm me pjesën rehabilituese të disa objekteve industriale, ndërkohë që investimin më të madh do ta bëjnë operatorët privatë.
Sipas burime nga MEI, dokumenti synon që deri në vitin 2018 të jetë privatizuar pjesa e mbetur e aseteve publike në industrinë joushqimore, duke synuar rivitalizimin e tyre, për t’i shtuar vlerë produkteve shqiptare, rritur eksportet dhe për të hapur vende të reja pune./a.m.
