Familja gjashtë anëtarësh Mustafi nga fshati Padalisht i Gostivarit, jeton në një shtëpi e cila nuk i plotëson as kushtet elementare për jetesë.
Kanë një dhomë të vetme që e ndajnë të gjashtë anëtaret e familjes, pa banjo, pa kuzhinë, me një shporet të kohës. Ata ndajnë dy krevate, ndërsa në to duhet të flenë gjashtë persona, katër të rritur dhe dy fëmijë, shkruan Tetovasot.com.
Por para një viti marrin lajmin se edhe pak do të qëndrojnë në ato kushte. Lajmin e gëzueshëm e marrin nga futbollisti i mirënjohur nga Gostivari, Admir Mehmedi, i cili me mjete personale po rregullon punët ndërtimore për shtëpinë e re te kësaj familjeje.
Objekti është gati dhe pas vendosjeve të pajisjeve në banjo dhe kuzhinë, familja Mustafi do të vendosen aty, e ku ky dimër do jetë shumë më i ngrohte dhe sigurt për ata. Familja Mustafi falënderojë pafundësisht familjen dhe vet Admir Mehmedin, që ua rikthejnë shpresën e jetës, sidomos dy më të vegjëlve të tyre, citohet “Express”. (b.an)
.,.
