Fatmir Mediu, kreu i Partisë Republikane është shprehur sërish në lidhje me kërkesën e Partisë Demokratike për qeveri teknike.
Mediu tha se për të pasur zgjedhje të lira dhe të qeverisje që të ndershme është e domosdoshme që të shikojmë që të kemi një kemi dakortësi të gjitha palëve sesi duhet të shkojmë në këto zgjedhje.
Prononcimi i plotë
Mediu: Ka ardhur koha që të gjithë të kuptojmë që zgjedhjet e lira dhe të ndershme janë domosdoshmëri për Shqipërinë, jo vetëm për rrugën europiane, por sidomos për qeverisjen e vendit dhe pjesëmarrjen e qytetarëve shqiptarë.
Është provuar tashmë në zgjedhjet lokale se kjo qeverisje dhe mazhoranca ka manipuluar në mënyrë të qëllimshme zgjedhjet. Zhvillimet në vend, sidomos rritja e kriminalitetit, shtrirja e mbjelljes së kanabis sattivës në gjithë territorin e Shqipërisë. Probleme të tjera që kanë të bëjnë me ekonominë dhe korrupsionin tregojnë një tendencë të qartë të qeverisë shqiptare që të ketë një kontroll mbi procesin zgjedhor dhe mbi vendimmarrjen qeverisëse dhe politike në vend.
Mendoj se nëse do ecim në koshiencën për të pasur zgjedhje të lira dhe të qeverisje që të ndershme është e domosdoshme që të shikojmë që të kemi një kemi dakortësi të gjitha palëve sesi duhet të shkojmë në këto zgjedhje. Mendoj se kjo palë, edhe brenda për brenda mazhorancës në marrëdhënien që ka nuk e gëzon besimin për të shkuar deri në fund të mandatit të saj.
Po thoni se edhe brenda mazhorancës ndajnë ide si opozita që duhet një qeveri teknike?
Mediu: Ka pasur qëndrime të hapura, jemi dëshmitarë, edhe brenda koalicionit. Zoti Meta e ka shprehur një qëndrim të tillë pavarësisht se e justifikon me momentin e reformës në drejtësi. Unë mendoj se këto nuk janë çështje spontane, nuk janë thjesht me interesa personale të subjekteve politike, por duhet të jenë në shërbim të interesave të vendit.
Qeveria teknike duhet të jetë një qeveri që pranohet edhe nga Rama. A do ishit dakort që të kishte një qeveri tjetër që organizon zgjedhjet por jo me Kryeministër Ramën, apo duhet domosdoshmërisht të jetë qeveri teknike?
Mediu: Çdo formë qeverisje që do garantonte zgjedhje të lira dhe të ndershme, një qeverisje që garanton vullnet politik të përbashkët për zbatimin e standardeve zgjedhore mendoj se do ishte e pranueshme. Nuk përjashtohet PS nga kjo vendimmarrje. Është një vendimmarrje që i takon të gjithë klasës dhe forcave politike parlamentare./a.m.
