Gazeta serbe “Novosti” ka publikuar një artikull, duke u thirrur në burimet e saj në Washington, sipas të cilave Shtetet e Bashkuara të Amerikës kanë përgatitur një paketë të posaçme “katër pikëshe” për Kosovën, që do t’i prezantohet presidentit serb, Aleksandar Vuçiq, në javët e ardhshme.
Sipas gazetës serbe dokument i Washingtonit, i cili përmban shënime të rëndësishme gjeopolitike, në shumë mënyra mund të përcaktojë drejtimin e ardhshëm strategjik të Serbisë.
Ky tekst, thuhet se do të jetë temë kyçe e bisedimeve të zyrtarit të Trumpit, Ves Mitchel, ndihmës- sekretar për çështjet evropiane dhe euroaziatike, gjatë vizitës në Beograd këtë të marte.
Dokumenti përcakton që Asociacioni i Komunave Serbe do të marrë kompetenca më të gjera ekzekutive dhe kompetenca të zgjeruara në fushën e shëndetësisë, arsimit dhe kulturës.
Sipas dokumentit, Beogradi pritet t’ia mundësojë Prishtinës që të anëtarësohet në organizatat ndërkombëtare.
“Nëse pala serbe bie dakord me këtë paketë, Serbisë do t’i mundësohet hyrja në Bashkimin Evropian dhe se SHBA-të do të garantojnë mbështetje më të madhe ekonomike dhe diplomatike në arenën politike ndërkombëtare”, shkruan gazeta serbe, përcjell Telegrafi.
Gazeta vlerëson se SHBA ka vendosur për këtë hap, sepse ata janë të pakënaqur me shpejtësinë e Brukselit kur është fjala për çështjen e Kosovës.
Gjithashtu, në kuadër të të gjitha opsioneve për ndarjen e Kosovës, administrata në Washington nuk i përgjigjet Beogradit dhe de jure të marrë në Veriun, pasi kjo do të krijonte një zonë të ndjeshme mes boshnjakëve dhe shqiptarëve dhe aleatëve të tyre të besuar që të marrë përsipër kontrollin e Kopaonikut dhe Zubin Potokut që janë pika të rëndësishme strategjike për Serbinë.
“Novosti” shkruan se ky propozim gjithashtu ka “anën tjetër të medaljes, e cila, para së gjithash, e transferon barrën e madhe të përgjegjësisë mbi kurrizin e Vuçiqit”.
Sipas kësaj gazete “nuk është rastësi që kreu i shtetit është ‘adresa e parë’ për këtë paketë, sepse është figura më e fortë politike në vend. Ai gjithashtu shkruan se për shkak të kësaj ‘dërgese’, çështja tani është se çfarë do të ndodhë nëse Beogradi dhe Presidenti Vuçiq do të refuzojnë idetë e SHBA”.
“Pasoja e parë tashmë është kanosëse – bllokimin e integrimit evropian të vendit tonë, apo humbjen e një shansi për t’u bërë anëtare e BE-së. Faktori i dytë i rrezikut është një humbja e investimeve të huaja direkte, veçanërisht nga vendet e BE, e cila do të jetë një goditje e madhe për ekonominë serbe”, shkruan gazeta.
Gazeta shkruan se të gjitha këta “skenarë të zi” zyrtarëve serbë u janë përcjellur përmes kanaleve diplomatike jozyrtare perëndimore. /Telegrafi/
a.ç
