Presidenti i Serbisë Aleksandar Vuçiç nuk ka ndërmend t’i vazhdojë bisedimet në Bruksel pa u hequr taksa e vendosur nga Qeveria e Kosovës ndaj mallrave të Serbisë që importon Kosova.
Sipas mediave serbe, Presidenti i Serbisë Aleksandar Vuçiç “është shfaqur i tërhequr për shkak të qëndrimit të Prishtinës, e cila pavarësisht presionit të bashkësisë ndërkombëtare nuk po i heq taksat ndaj mallrave serbe”.
Vuçiç ka konstatuar se BE nuk po mundet t’i bëjë presion autoriteteve në Prishtinë. Shefi i shtetit serb këto komente i ka bërë pas takimit me ambasadorin e Italisë në Beograd Carlo Lo Cascio ku ka thënë se Serbia do t’i kthehet dialogut pasi të hiqet taksa.
