Është arritur më në fund marrëveshja e emrit të Maqedonisë pas dialogëve të njëpasnjëshëm mes dy qeverive, asaj greke dhe asaj te Fyromit.
Greqia dhe Maqedonia kanë arritur një marrëveshje të plotë për çështjen e emrit. Varianti i pranuar nga të dyja palët është “Maqedonia e Epërme”. Lajmi vjen nga mediat greke, që thonë se propozimi i Athinës është dakordësuar nga Shkupi.
Mediat greke shkruajnë se pas mbylljes së marrëveshjet emri i ri i Maqedonisë do të jetë ‘Republika gorna Makedonija’ që do të thotë ‘Republika Maqedonia e epërme’.
Kujtojmë se Metju Nimic, ndërmjetësi i OKB-së për emrin aktualisht ndodhet në Athinë. Po sipas këtyre burimeve, dy palët kanë rënë dakord për emrin e propozuar nga Nimic, ndonëse Shkupi dhe Athina kishin propozime të tjera për emrin. “Marrëveshja dypalëshe në mirëkuptim të plotë”, shkruajnë mediat greke.
