Sot shqiptarët janë zgjuar nën “tmerrin” e ujit që po përmbyt rrugë, banesa, biznese, madje moti u tregua aq i pamëshirshëm saqë ka marrë edhe jetë njërzore.
Por humbja e jetës njerzore dhe “lufta” që po bëjnë Forcat e Armatosura, emergjencat civile, pushteti vendor dhe të gjitha strukturat e tjera të shtetit shqiptar, mediat e kazanit kanë ndërmend të bëjnë diversionin e radhës.
Por si gjithçka që kanë bërë deri më tani, edhe këtë radhë diversioni nuk është vetëm i ulët por dhe në momentin më të keq të mundshëm.
Sot ata pak lexues fanatike të mediave “të kazanit”, padyshim që kanë shqyer sytë kur kanëlexuar lajmin se kryeministri ka bërë skandal duke ftuar në mbledhjen urgjente për emergjencat shefin e shtabit të përgjithshëm të FA Jeronim Bazo, që sipas këtij lajmi i paska mbaruar mandati.
Në fakt, redaksia e Lexo.al vendosi të bëjë një kërkim fare të lehtë në “ligjin për pushtet dhe autoritetet”, dhe ajo që gjetëm ishte shumë interesante.
Ligji thotë qartësisht se shefi i shtabit e lë detyrën vetëm me dekret të presidentit, në të kundërt quhet shkelje e lartë kushtetuese në momentin që Presidenti nuk është shprehur akoma.
Por, ndërsa disa media që janë kthyer në kazanë (që s’filtrojnë më asgjë) që fatkeqsisht kanë qëlluar të kenë dhe qëndrim shumë pranë të djathtës dhe vetë kreut të shtetit, komandant i forcave të armatosura, sot vendosën të merren me komandantin e shefit të shtabit, në vend të merreshin me punën e madhe që po bën FA në terren edhe nën drejtimin e tij.
Në fakt, duhej të ishin konsultuar me presidentin, i cili si njeriu që e njeh zinxhirin e komandimit për shkak të begraundit dhe detyrës që mban, e ka ftuar shefin e shtabit në mbledhjen e këshillit të sigurisë që ka planifikuar të bëjë në 11 shtator.
Këto media harruan sot se ushtria është një institucion që funksionon me rregull dhe disiplinë shumë më të madhe se çdo institucion tjetër dhe sot duan ta lënë pa drejtuesin e tyre të parë./Lexo.al
