Sulmuesi i Interit, Mauro Icardi, ka kryer testet mjekësore te Real Madridi dhe është i gatshëm t’i bashkohet gjigantit spanjoll gjatë këtij muaji, raporton Daily Express.
Lajmi u raportua nga media spanjolle “Diaro Gol” që pohoi se Icardi do të jetë transferimi bombë i Real Madridit gjatë afatit kalimtar dimëror.
Lajmi i medias spanjolel është përhapur edhe në mediat angleze, me Daily Express që shkon edhe më larg sa që raporton se argjentinasi i ka kryer testet mjekësore dhe është i gatshëm ta kompletojë transferimin tronditës në kryeqytetin spanjoll gjatë afatit kalimtar të janarit.
Argjentinasi shihet nga presidenti i Realit, Florentino Perez, si zëvendësuesi ideal i Karim Benzemas, i cili po kalon nëpër formë shumë të dobët.
Ndërkohë, për dallim nga francezi, Icardi është në formë të shkëlqyer pasi ka shënuar 18 gola në 20 ndeshje në Serie A dhe ka një klauzolë lirimi prej 110 milionë euro në kontratën e tij me Interin./a.m.
