Caktohen emrat që do të zëvëndësojnë postet ministrore dhe drejtorëve që Rama lëshoi në bazë të marrëveshjes me Bashën.
Burime për Shqiptarja.com bëjnë të ditur se lista me emrat e ministrave të rinj është gatidhe do të bëhen publik së shpejti.
Emrat do të votohen në seancën e jashtëzakonshme parlamentare që do të mblidhet ose të hënën ose të enjten e ardhshme.
Duket se Basha dhe Rama kanë pasur një dakortësi që ditën e djeshme pasi listat tashmë janë hartuar me emrat përkatës. PD ia ka dorëzuar kryeministrit Rama.
Sipas marrëveshjes Rama-Basha, ikin 6 ministra aktuale, vijne 6 ministra teknike si dhe 5 drejtorë.
Pritet që shkarkimi i 6 ministrave, zv/kryeministrit e drejtorëve aktualë të bëhet së shpejti.
Emrat e përfolur për emërimet
Sipas informacioneve ende jo zyrtare, ja disa nga kandidatët e mundshëm për emërimet në qeverinë e re, të propozuar nga opozita:
Ministria e Brendshme: Fatmir Hamuli, Ivzi Biçaku
Ministria e Arsimit: Ardjan Marashi, Mark Marku
Ministria e Drejtësisë: Besnik Kastrati
Ministria e Shëndetësisë: Qamil Dika
Postet qe zevendesohen me poste teknike
Emrat do te votohen ne seance parlamentare
Javën tjetër, të hënën 22 Maj, ose të enjten 25 Maj, parlamenti do të mblidhet në seancë të jashtëzakonshme ku do të votohet lista me emrat për postet teknike në qeveri.
