Kur u promovua fillimi i projektit “Shkupi 2014” në vitin 2010, qeveria pat deklaruar se ai do të kushtojë 80 milionë euro.
Deri sot ky projekt ka kushtuar 640 milionë euro (730 milionë dollarë), kurse kostoja e këtij projekti vazhdon të rritet sepse punimet ende vazhdojnë, shkruan revista prestigjioze amerikane “Foreign Policy” në një tekst kushtuar Maqedonisë.
“Çmimi i përgjithshëm mund të tejkalojë një miliardë euro, para se të kompletohet ky projekt”, ka paralajmëruar për FP Tamara Çaushidis nga Balkan Investigative Reporting Netëork (BIRN) Maqedoni.
Ky rrjet ka bërë disa hulumtime lidhur me koston e projektit “Shkupi 2014”, projekt i cili nga analistë të brendshëm dhe të jashtëm vlerësohet si shpërthim i “çmendurisë” nacionaliste maqedonase të VMRO-së dhe BDI-së, transmeton gazeta Lajm.
“Deri tani mesataraisht për çdo vit ky projekt ka kushtuar 96 milion euro, që paraqet 3 për qind të buxhetit vjetor shtetëror, shumë e cila përafërsisht është e barabartë me buxhetin vjetor të ministrisë së shëndetësisë.
I tërë projekti simbolizon sundimin e Gruevskit”, ka thënë Çausidis, cituar nga Express. (b.an)
