Të gjitha mediat shqiptare kanë treguar ngjarjen, kanë përshkruar vidion duke bërë fajtor Gruesvkin për ngjarjet në Maqedoni. Ndërkohë që ka pasur akuza për kryeministrin e Shqipërisë se nuk po bën detyrën e tij dhe është përmendur fakti që Shqipëria nuk ka ende ambasador në Maqedoni nga “Gazeta shqiptare”.
“Panorama” është shprehur se qeveria maqedone s’ka thënë asgjë për qytetarët e Kumanovës. Dje, kryeministri RAMA ka mbajtur një minutë zi për të vrarët në Festivalin e Gjirokastrës. Po ashtu, është folur për protestën e të rinjve kryeqytetas në Tiranë para ambasadës së Maqedonisë nga “Shqip”. Ndërkohë, shumë media pretendojnë se maqedonasit kanë bërë montazh në vidiot. Pak lajme ka për shqiptarin e ardhur nga Shqipëria dhe që është kapur me grupin në Maqedoni, referuar “MAPO”. Ai nuk është identifikuar ende se nga vjen.
“Shqiptarja.com” ka botuar një intervistë të gjeneralit Stojance Angelov, pjesëmarrës në konfliktin e vitit 2001 dhe sot drejtues i partisë maqedonase DOSTINSTVO, që ka deklaruar për mediat maqedonase se incidenti në Kumanovë është i sajuar nga kryeministri Gruevski. Në këtë media thuhet se për këtë Gruevski ka shpenzuar 2 milionë euro.
“SHQIP”, po ashtu pretendon se Policia e shtetit shqiptar po kalon në gjëndje gadishmërie. Ish-kryeministri Sali Berisha ka kërkuar “Hetim ndërkombëtar për terrorin shtetëror maqedonas ndaj shqiptarëve!”
