Gazeta greke “Ekathimerini” ka komentuar ditën e sotme marrëdhëniet e Athinës më fqinjët dhe nevojën për t’i dhënë zgjidhje atyre. Në një koment të gazetarit Alexis Papachelas, gazeta shkruan se Greqia gjithnjë e më shumë po e humbet kapitalin diplomatik.
Në formë kritike, media e vendit fqinj shpreh se Tirana ka bërë një sërë gjestesh provokative, por gjithësesi ka shanse për një zgjidhje sa u përket problemeve të së shkuarës.
JavaNews.al sjell në mënyrë të përmbledhur shkrimin e Papachelas në “Ekathimerini”
Çdo shtet duhet të ndjekë një linjë të fortë sa i përket politikës së jashtme dhe për Greqinë, kërcënimi kryesore mbetet Turqia.
Turqia është dhe duhet të jetë prioritet i Athinës. Çështje të tjera të politikës së jashtme, siç është mosmarrëveshja për emrin e Maqedoniës, apo lidhjet grek-shqiptare, natyrisht janë të rëndësishme, por ato nuk janë krye të axhendës.
Greqia ka një sasi të caktuar të kapitalit politik në skenën ndërkombëtare dhe lidershipi në Athinë duhet të sigurohet se e përdor atë siç duhet. Ndërkohë që shumë fronte janë hapur, mbetet e vështirë ta bindësh palën tjetër se ku të fokusohet më shumë.
Muajt e ardhshëm do të jenë vendimtarë në lidhje me politikat e Athinës ndaj Ballkanit. Qeveria e re në Shkup ka ndryshuar retorikën e saj dhe duket e gatshme për të miratuar masat, për ndërtimin e besimit dhe ndoshta një kompromisi pragmatik mbi mosmarrëveshjen e emrit.
Në lidhje me Shqipërinë, duket se pavarësisht disa gjesteve të padreja dhe provokative të bëra nga Tirana, ekziston me të vërtetë një bazë e përbashkët për të arritur një zgjidhje për problemet që ekzistojnë prej dekadash. Por as mosmarrëveshja me Shkupin dhe as bisedimet me Shqipërinë nuk do të jenë të lehta. Qëllimet e mira shpesh avullojnë përballë realitetit politik në Ballkan.
Është koha që në fund të vendosim se çfarë ne duam. Disa duan të mbajnë çështje të caktuara të hapura dhe të fshihen pas kërkesave ekstreme. Greqia nuk do të fitojë asgjë në këtë mënyrë. Athina tashmë ka humbur shumë kapital diplomatik në Ballkan për shkak të pengesës së Ish-Republikës Jugosllave të Maqedonisë. Një çështje kjo që mund të ishte zgjidhur vite më parë dhe në kushte më të mira. Por ajo e ka futur veten në një qoshe, që është shumë e rrezikshëme për politikën e jashtme.
Athina do të ketë mundësinë muajt në vijimm që të përcaktojë nëse udhëheqja e rë në Shkup dëshiron vërtetë një zgjidhje të ndershme apo do të bëjë një përpjekje për të mashtruar Athinën. E njëjta vlen edhe për Shqipërinë. Do të ishte tepër negative nëse këto çështje do të bëheshin një subvjekt përplasjesh në ‘shtëpi’.
Turqia po bëhet gjithnjë e më shumë e paparashikueshme. Athina do të ketë nevojë për një mendim të qartë dhe një plan të mirë për vitet në vijim. /JavaNews.al
