Eksperti i udhëtimeve dhe gazetari Simon Calder rekomandoi katër destinacione evropiane për t’u vizituar në vitin 2024 gjatë një interviste të fundit për “BBC Breakfast”, shkruan Andrea Blazquez në një artikull të botuar në të përditshmen britanike “Express”.
Sipas gurusë së udhëtimeve, Portugalia, Bullgaria, Mali i Zi dhe Shqipëria janë një domosdoshmëri për t’u vizituar këtë vit.
Eksperti i udhëtimeve Simon Calder tha se këto vende janë absolutisht mahnitëse dhe disa nga më të lirat në kontinent.
“Në Evropën Perëndimore, duhet të jetë Portugalia, dhe në Evropën Lindore, Bullgaria, padyshim një destinacion shumë i popullarizuar i paketave për pushime”, tha ai.
Ai shpjegoi se Shqipëria është mahnitëse dhe megjithëse nuk është “aq e sofistikuar sa Korfuzi”, është një destinacion i mrekullueshëm për pushime verore të bukura dhe miqësore.
Çfarë ka për të vizituar në këto vende të bukura evropiane?
Shqipëria
Ekspertët e udhëtimeve të “Wanderlust” thanë se Shqipëria është “Mesdheu sekret”, ku plazhet mbeten kryesisht pa vendpushime.
Disa nga vendet më magjepsëse për t’u vizituar janë Tirana, Berati dhe Riviera Shqiptare.
“Shqipëria, natyrisht krahasohet me ishullin e Korfuzit. Është e bukur dhe shumë miqësore. Nuk është aq e sofistikuar sa Korfuzi, por mendoj se për vitin 2024 do të jetë në qendër të vëmendjes, nëse dëshironi pushime me çmime të ulëta ndërsa lufta e tarifave vazhdon ende./ata
