“ABC” ka siguruar videon e kamerave të sigurisë që kanë kapur momentet e fundit gjallë të Mateos së vogël në Fier përpara se fqinji ta rrëmbente, vriste me kazmë dhe ta groposte.
Kamera e sigurisë së një banese ka fiksuar momentet kur Mateo i veshur me një xhup të kuq dhe mbi biçikletë lëviz në rrugën pranë shtëpisë së autorit.
Në momentin që fëmija u fut në shtëpinë e Klodian Çalamanit nuk doli më gjallë, pasi 38-vjeçari i mori jetën dhe e groposi në cepin e shtëpisë.
Pas disa orësh kërkime, policia arriti që “gozhdonte” autorin duke e detyruar që të rrëfente ngjarjen. Sot 8-vjeçari u përcoll për në banesën e fundit me lot dhe dhimbje nga i gjithë fshati.
/b.h
