Nga pika e vdekjes në rijetësim…. Tiranë-nyja e Rinasit-Durrës rikonstruksionit do t’i nënshtrohet edhe linja hekurudhore Rrogozhinë-Fier-Florë. Hekurudha Shqiptare ka hapur tenderin me vlerë 95 milionë për të bërë studimin për rehabilitimin veprës infrastrukturore si dhe për të hartuar projekt-idenë për lidhjen e aeroportit te Vlorës me rrjetin ekzistues hekurudhor.
“Ndërtimi i aeroportit të ri të Vlorës krijon një mundësi të madhe për zhvillimin ekonomik dhe turistik të rajonit. Për këtë arsye, është e domosdoshme ndërtimi i një linje të re hekurudhore për të lidhur qytetin e Vlorës me këtë aeroport. Kjo lidhje do të garantojë transport efikas për pasagjerët dhe do të rrisë atraktivitetin e rajonit për investime dhe turizëm.”
Linja hekurudhore Rrogozhine-Fier-Vlorë është e gjatë 84,3 km. Ajo fillon nga dalja e stacionit të Rrogozhinës në anën jugore të tij dhe mbaron ne fund të stacionit te pasagjerëve në qytetin bregdetar. Shpejtësia e lëvizjes në të parashikohet të jetë deri në 120 kilometër në orë.
“Rrjeti hekurudhor shqiptar nuk është i elektrifikuar dhe trenat drejtohen me lokomotiva me naftë. I gjithë sistemi është zakonisht me linjë-teke hekurudhore. Për shkak të mungesës së investimeve, infrastruktura hekurudhore është shumë e varfër, me mungesën e standardeve të duhura të terminalëve, binarëve dhe linjave, me përjashtim të pjesës Durrës-Tiranë të “Korridorit VIII”, e cila aktualisht është në fazë rehabilitimi, sipas standardeve evropiane”.
Tenderi do të jetë i hapur deri më 27 janar 2025, dhe më pas do të vlerësohen ofertat e paraqitura. Synimi është që të ndërtohet linja që do të lidhë aeroportin e Vlorës me rrjetin ekzistues hekurudhor me qëllim lehtësimin e aksesit të udhëtarëve në aeroport në mënyrë më të shpejtë, të sigurt dhe më të qëndrueshme. (A2)
