Personazhi i “Real People” në Euronews Albania këtë javë quhet Shaqe Balliu. Ajo rrëfeu në një intervistë me Flor Gjinin dhimbjet që ka kaluar gjatë jetës së saj dhe vuajtjeve me një burrë që e dhunonte vazhdimisht.
Ajo tregoi se i shoqi, i cili tashmë është në burg duke vuajtur dënimin e shante gjatë gjithë kohës dhe e akuzonte për marrëdhënie jashtëmartesore. Shaqja sot gëzon tre djem, por rrëfen se një vajzë e ka humbur kur ishte shtatzënë, pikërisht nga dhuna.
“Një fëmijë ma ka vrarë ai, një vajzë. Ma vrau duke më rrahur, s’më duhen kopilat e tu tha, unë isha shtatzënë. Ngela pa dashje shtatzënë më atë vajzë, kam qenë 7 muajshe. Bëra tre fëmijë me të se mos ta afroja, ai ishte pijanec, më thoshte i ke kopila, ke dashnor,” – u shpreh Shaqja.
Pasi e dhunonte çdo natë në orët e vona kur kthehej në shtëpi, ai i thyente dhe telefonin në mënyrë që ajo të mos komunikonte me policinë. Kjo është hera e tretë që burri i Shaqes po vuan dënimin për dhunë në familje pas hekurave.
Sipas saj edhe në momentin që do të dalë nga burgu, nuk ka asnjë mundësi që ajo të rikthehet me të, madje më mirë preferon të dalë nga shtëpia edhe pse nuk ka asnjë vend ku të qëndrojë.
Burri i vrau fëmijën në bark, flet gruaja: Më lidhi dreqi me atë pukjan
Shaqe Balliu ishte gruaja e cila në “Real People” në Euronews Albania ndau me moderatorin Flori Gjini dhe gjithë shqiptarët historinë e dhimbshme të jetës së saj.
Ajo tregoi se si ka jetuar mes sfidës për të rritur dhe edukuar tre fëmijët e saj dhe dhunës në familje.
Bashkëshorti, i cili sot ndodhet në burg pas denoncimit të Shaqes, e ka dhunuar shpesh verbalisht dhe fizikisht, madje kur ishte shtatzënë me vajzën, prej dhunës e ka humbur atë.
Shaqja tha se është martuar 30 vjeç dhe familja e saj nuk donte ta jepte duke qenë se ishte shumë punëtore. Momenti kur ajo u nxit ishte kur dëgjoi nusen e të vëllait, me të cilën sot nuk flet, e cila tha ‘mos ta martojmë që të na rrisë fëmijët’.
“Pse po rris unë fëmijën e vëllait ose të nuses së vëllait që dhe sot nuk më flasin në telefon. Më mirë thash të jem e qetë krijoj një familje dhe të jetë një burrë për së mbari, mua më doli më keq se asnjëherë. M’lidhi dreqi me atë pukjan,” – tregoi Shaqja.
Për bashkëshortin që e ka dhunuar ajo tha se sot është në burg duke vuajtur dënimin sepse e ka denoncuar.
“Radhën e parë ra 7 muaj në burg për dhunë në familje. Më rrihte, më thyente dhe telefonin që mos të lidhesha me policinë. Radhën e dytë ndenji edhe një vit në burg,” – u shpreh Shaqja./m.j
