Një mace që kishte ikur prej një jave nga shtëpia u gjet e përgjakur dhe radiografia tregoi se në trup kishte 41 saçme.
Puss-Puss, macja trevjeçare e një familjeje në Colchester të Anglisë, ishte goditur me shotgun, dhe, ndonëse ka shpëtuar, ka disa dëmtime të pariparueshme.
Njëri nga sytë ka ndryshuar ngjyrë për shkak të një saçmeje që i ka goditur retinën.
Dy saçme kanë ngecur fare pak larg shtyllës kurrizore, duke i rrezikuar paralizimin.
I zoti maces tha se kishte dëgjuar të shtëna, por pa e menduar që ishin për Puss Puss.
Më pas, e gjetën të mbledhur kruspull poshtë një makine, e gjakosur dhe e frikësuar.
Fillimisht macja u largua e trembur, por pas një jave u kthye duke tërhequr këmbën zvarrë, çka bëri që të mendonin se mund ta kishte shtypur ndonjë makinë.
Tani do t’i nënshtrohet operacionit për heqjen e saçmeve dhe të syrit të dëmtuar.
Edhe i zoti i maces, Doug Taw, është në pritje të një operacioni by-pass në zemër.
