Presidenti i SHBA-së, Donald Trump, ka publikuar në rrjetet sociale fotografinë e Presidentit të Venezuelës, Nicolas Maduro, pas kapjes nga ushtria amerikane.
Më herët, në një intervistë për Fox News, Presidenti i SHBA-së, Donald Trump, tha se presidenti venezuelian dhe zonja e parë po mbahen të ndaluara në anijen sulmuese amfibe USS Iwo Jima dhe janë duke shkuar për në Nju Jork për t’u ndjekur penalisht për trafik droge.
“Ata janë duke shkuar për në Nju Jork. Ata janë paditur në Nju Jork. Fillimisht u çuan në një anije, Iwo Jima dhe do të vazhdojnë për në Nju Jork. U çuan me helikopter. Një fluturim i këndshëm, jam i sigurt se u pëlqeu”, tha më herët Trump.
Edhe pse presidenti nuk donte të zbulonte detaje të operacionit të forcave speciale para konferencës së tij të planifikuar për shtyp, ai tregoi se ishte një operacion kapjeje “i detajuar”, në të cilin sipas tij “ata praktikuan dhe planifikuan gjithçka”.
Sipas mediave amerikane, operacioni u krye nga një njësi e elitës Delta Force, e cila i nxori Maduron dhe Flores nga shtrati dhe i futi në një helikopter, shkruan.
Gjatë operacionit, Trump pretendoi se njëri prej helikopterëve u godit nga të shtënat me armë zjarri, por nuk u raportuan viktima nga ushtria amerikane.
Fotot janë fake,sepse:1.Pse i duheshin mbyllur sytë Maduros…? 2.Në statusin e parë të mëngjesit Donald Trump tha se :”Maduro dhe gruaja e tij janë nisur me avion drejt Nji Jorkut, kurse në konferencën për shtyp tani tha se Maduro dhe gruaja e tij janë nisur drejt Nji Jorkut me anije”…Kë të besoj?!…Po sikur Maduro të jetë në Katar?!