Partizani i këtij sezoni në Kategorinë Superiore nuk ka arritur të marrë ende asnjë fitore, madje as të shënojë një gol. Të vetmet ndeshje zyrtare që ata kanë fituar janë dy përballjet me Naftëtarin në turin e parë të Kupës së Shqipërisë, ku shënuan edhe goleada.
Në kuadër të pushimit për shkak të ndeshjeve të kombëtares, Partizani zhvilloi sot një miqësore në Qendrën Stërvitore të Ekipeve Kombëtare në Kamëz përballë ekipit maqedonas të Pelisterit.
Skuadra nga Manastiri kaloi e para në avantazh në minutën e 22-të, por Batha arriti të barazonte shifrat në minutën e 45-të duke e mbyllur pjesën e parë 1-1.
Në pjesën e dytë të kuqtë përmbysën rezultatin falë golit të Sukajt në minutën e 52-të. Partizani shpërdoroi gjithashtu një 11-metërsh teksa Vila gaboi nga pika e bardhë në minutën e 66./a.m.
