Presidenti Ilir Meta, thotë se situata kritike në Ukrainë është një mësim dhe kambanë alarmi për të gjithë vendet dhe udhëheqësit e tyre.
Përmes një postimi në rrjetet sociale, Meta, shkruan se nevojitet vendosmëri dhe mençuri për të parandaluar eksperimente territoriale në rajone të tjera.
Kreu i shtetit thekson se Shqipëria është një ndër vendet të cilat janë përkushtuar për të promovuar paqen dhe për të dekurajuar çdo konflikt që cenon sovranitetin dhe vlerat e lirisë.
“Situata tepër kritike në Ukrainë është një mësim dhe një kambanë alarmi për të gjitha vendet dhe udhëheqësit e tyre.
Kërkohet vendosmëri dhe mençuri për të parandaluar eksperimente territoriale në rajone të tjera.
Është e domosdoshme të ndërtohet mekanizma funksionalë dhe të efektshëm për të garantuar paqen dhe sigurinë, si në nivel rajonal ashtu edhe në atë globale.
Paqja, siguria dhe stabiliteti në Ballkanin Perëndimor janë thelbësisht të lidhura me paqen dhe prosperitetin e kontinentit europian.
Shqipëria mbetet e përkushtuar në promovimin e paqes dhe në angazhimin e saj, edhe si anëtare jo e përhershme e Këshillit të Sigurimit të OKB, për të dekurajuar çdo konflikt që cenon sovranitetin, vlerat e lirisë, dëmton paqen dhe zhvillimin”, shkruan ai. KUjt po i drejtohet Meta, perderisa mesazhi i tij eshte “pertej” Rusise./m.j
