Pushohet çështja ndaj pedagogut të Elbasanit, Denis Himçi, i akuzuar se i kërkoi favore seksuale një studenteje.
Ky vendim vjen pasi Prokuroria vlerësoi se pedagou nuk ka kryer akte ndaj studentes, çka çoi në lënien e qelisë prej tij.
Gjykata e Apelit të Elbasanit ka ndryshuar masën e sigurisë ndaj ish pedagogut duke i hequr edhe arrestin në shtëpi.
Ndalimi i pedagogut u bë pas publikimit në media të një video-përgjimi ku dëgjohej teksa i kërkonte favore seksuale një studenteje.
Emisioni investigativ ‘Stop’ publikoi rastin e pedagogut Himçi, i cili i kërkonte favore seksuale një studenteje në këmbim të marrjes së disa lëndëve ku ajo ishte mbetëse.
Në videon e publikuar pedagogu Denis Himçi shfaqej me një makinë tip ‘Audi’, ndërsa tregohej këmbëngulës duke i bërë komplimente dhe duke i premtuar vajzës veç marrjes së provimeve, edhe dhurata gjithashtu.
“Mallkuar ai që nuk të do ty, të çoj unë për ndonjë masazh. Zëre se unë jam engjëlli yt dhe do t’i plotësoj të gjitha nga A-ja te Zh-ja”, dëgjohej të thoshte ndër të tjera pedagogu në video.
Ai akuzohet për veprat penale “Ushtrimi i ndikimit të paligjshëm ” dhe “Korrupsioni pasiv i personave që ushtrojnë funksione publike”.
g.kosovari
