Merret në pyetje regjisori Robert Budina pas akuzave të Laert Vasilit se është dhunuar pasditen e djeshme tek oborri i Teatrit Kombëtar.
Budina nga komisariati numër 1 i Tiranës, mohon të ketë ushtruar dhunë ndaj aktorit ndërsa ka rrëfyer për mediat se si ka nisur sherri.
“Sapo kishim dhënë një shfaqje me trupën austriake dhe po përcillnim trupen austriake, kur u lajmërova se personi në fjalë grisi parullën tek teatri.
Kur shkova, gjeta disa njerëz që konfliktoheshin me aktorin dhe u përpoqa ti ndajë.
Nuk ka patur dhunë, por vetëm shtyrje. Ai ka pretendimet e veta.
Ne duam provat dhe dëshmitë.
Ai ka grisur posterat e Avni Delvinës, por lufta jonë nuk është personale siç e paraqet Vasili, është luftë konceptesh.
Ai s’ka forcë për ta dëmtuar kauzën tonë.
Dhe sa i përket provave le të hapen kamerat e sigurisë së Ministrisë së Brenshme”, tha Budina për mediat.
Aktori Laert Vasili bëri një postim pas ngjarjes, ku i quajti aktorët e Teatrit Kombëtar, duke akuzuar Robert Budinën se ‘i ka futur thonjtë në grykë’. ‘Aleanca për Mbrojtjen e Teatrit’ mohoi sulmin fizik ndaj tij, duke deklaruar se e kanë mbajtur me forcë për t’ia dorëzuar autoriteteve.
g.kosovari
