Goditet një tjetër rast i veprimtarisë kriminale në fushën e narkotikëve, në Rrëshen, duke vënë në pranga dy persona.
Në sajë të informacioneve të marra në rrugë operative se dy persona po transportonin një sasi lënde narkotike për ta bërë gati në doza të vogla për shitje, u bë arrestimi i F. N., 18 vjeç, banues në Kashnjet, Lezhë dhe B. S., 18 vjeç, banues në Kthellë, Mirditë;
Në qytetin e Rrëshenit, policia ka bërë ndalimin e mjetit tip ‘Ford’, me të cilin lëviznin dy të rinjtë dhe gjatë kontrollit të ushtruar në këtë automjet, në pjesën e sediljes së prapme është gjetur dhe sekuestruar një sasi lënde narkotike prej 500 gramë kanabis sativa.
Dy të rinjtë dyshohet se shpërndanin drogë, ndërkohë që ndaj tyre hetimet janë në vijim.
Për ndjekje të mëtejshme materialet iu referuan Prokurorisë, për veprën penale “Prodhimi dhe shitja e narkotikëve”.
/a.r
