Tre nga 8 studentët që sulmuan sot kryeministrin Shqiptar janë nga Kosova. Lajmi është bëri i ditur nga mediat kosovare të cilat kanë zbardhur edhe identitetet e tyre. Bëhet fjalë për Valton Markun, Dardan Konjufcën dhe Durim Jasharajn, të cilët aderojnë në të ashtuquajturën ‘Levizja Studentore e Prishtinës’.
Te trë studentët në fjalë, madje kanë publikuar edhe fotografi me kryetarin aktual të lëvizjes ‘Vetëvendosje’, Visar Ymerin. Kjo e fundit njihet për sulmet e shpeshta karshi kundërshtarëve politikë me bojë, vezë dhe së fundmi edhe me gaz lotsjellës.
Vetë lëvizja ‘Vetëvendosje’ ka reaguar zyrtarisht duke u shprehur se nuk ka gisht në sulmin e sotëm ndaj Edi Ramës. Madje, forca politike kosovare shkoi edhe më tej duke deklaruar se do ta padisë gazetën ‘Express’ që bëri lidhjen mes të ndaluarve të sotëm dhe partisë së themeluar nga Albin Kurti.
Në fakt, studentët që sulmuan sot Ramën duhet se aderojnë në lëvizjen shqiptare ‘Organizata Politike’, një lëvizje e vogël kjo me bindje të orientuara nga ekstremi i majtë. Kanë qenë pikërisht këto elementë të ngjashëm me ‘Vetëvendosjen’ që mediat të bëjnë lidhjen e shkurtër, edhe pse studentët që sulmuan sot Ramën u mbështetën vetëm nga Partia Demokratike.
Organizata Politike, krahas kundërshtive për Ligjin e Arsimit të Lartë, njihet edhe për aksionet dhe protestat kundër privatizimit të pasurive në Kosovë, protesta kundër ‘tradhtisë’ së çështjes së 21 Janarit, organizimin e 1 Majit në Tiranë etj.
