Pasi u shpall i pafajshëm në dy shkallët e drejtësisë dhe kur Prokuroria nuk apeloi vendimin në Gjykatën e Lartë, tashmë ish-Guvernatori i Bankës së Shqipërisë ka ndërmarrë një tjetër hap.
Ardian Fullani, i shpallur i pafajshëm për akuzën e “shpërdorimit të detyrës”, me pasojë grabitjen e bankës, i është drejtuar Gjykatës Administrative me një padi ndaj isntitucionit që drejtonte dhe Kuvendit.
Sipas Fullanit, shkarkimi i tij nga detyra e Guvernatorit është bërë në shkelje të ligjit.
Si argument bazë Fullani ka përdorur vendimet e pafajësisë në gjykatën e shkallës së parë dhe në apel.