Zbulohen detajet e para të dala nga hetimi për shkaqet e vrasjes së çiftit shqiptar në francë.
Një çift nga Kosova u gjet i vdekur disa ditë më parë në apartamentin e tyre në Epinal të Francës.
Sipas mediave franceze, prokurorët sot kanë dalë me një përfundim se gruaja është vrarë me thikë nga bashkëshorti i saj, pastaj ai ka vrarë edhe veten.
Në momentin e gjarjes të pranishëm kanë qenë tre fëmijëve të tyre më të rritur, kurse 5 të tjerët nuk ka qenë në banesë.
“Nëna e familjes u vra nga i shoqi dhe ky i fundit ka përdorur të njëjtën thikë për të vrarë veten. Autopsia zbuloi disa plagë me thikë, përfshirë plagë mbrojtëse në trupin e 44-vjeçares. Hetimi konfirmoi se mëngjesin e së martës kishte shpërthyer një zënkë verbale mes çiftit pasi bashkëshorti akuzoi gruan e tij për tradhëti”-tha prokurori i Epinalit Frédéric Nahon.
Skena e tmerrshme ndodhi në banjon e banesës dhe njëri nga fëmijët më pas theu derën dhe gjeti trupat e pajetë të prindërve të tij.
Familja, me origjinë nga Kosova, jetonte në Francë që nga viti 2018 dhe kishte statusin e refugjatit. Shtatë nga fëmijët jetonin ende me prindërit e tyre ndërsa fëmija më i madhi jetonte vetëm. Pesë fëmijët ishin në shkollë në momentin e konfliktit.
Fëmijët tashmë thuhet se janë nën kujdesin e shërbimeve sociale.
/a.r
