Nënkryetari i PD-së, Luçiano Boçi dhe deputetja Albana Vokshi kanë dorëzuar në Kryesinë e Kuvendit kërkesën për komision hetimor për çështjen McGonigal.
Gjatë fjalës së tij për mediat, nënkryetari i PD-së Boçi ka thënë se Kryeministri Rama duhet të japë llogari në këtë komision hetimor që ata kërkojnë të ngrihet për të hetuar mbi çështjen e ish-zyrtarit të lartë të FBI-së, McGonigal.
Luçiano Boçi: Do e nxjerrim Ramën nga kamarja ku është fshehur. Kryeministri nuk vjen të japë shpjegime në Parlament. Jo vetëm komisioni, por nga kamarja do e nxjerrë edhe protesta e datës 11:00. Ka një paralajmërim nga Balla për mospranimin e komisionit hetimor, justifikim fëminor, pasi pretendon se ky ligj do të ndryshohet. Rregulloja e parashikon kur 1 e 4 e deputetëve e kërkon, është detyrë që të pranohet. Rama do të vijë në komision hetimor dhe do të përgjigjet si çeço. Kongresi Amerikan ka kërkuar nga FBI-ja të gjitha informacionet e e detajuara për McGonigal, përfshirë edhe Ramën. Ky komisoni i joni do të kërkojë nga Rama detaje për të gjitha takimet që ka kryer për të zbardhur skandalin e Ramës për të korruptuar institucionet e drejtësisë me qëllim eliminimin e opozitës, gjithçka do t’i kthehet në “boomerang”.
/s.f
