Ndryshimet në ligjin italian për industrinë Call Center nuk rrezikojnë asnjë prej kompanive që operojnë në Shqipëri me kapitale apo fonde private. Blenard Daçi, drejtor i një prej kompanive më të madha shqiptare Call Center thotë se ndryshimet e ligjit në vendin fqinj kanë synim të disiplinojnë vetëm aktivitetin e kompanive që operojnë me fonde të dhëna nga shteti italian.
Sipas tij, kompanitë shqiptare kanë përshtatur prej kohësh rregulloret e ligjet e bashkimit evropian që rregullojnë këtë treg, duke siguruar aktivitetin konform këtij legjislacioni.
Daçi thotë se alarmi fillestar për rrezikun e largimit të kompanive nga shqipëria erdhi për shkak të keqintepretimit të ligjit italian. Shkak për të cilin kompania e tij, ashtu si dhe të tjera, janë detyruar të sqarojnë punonjësit se aktiviteti do të vijojë normalisht e asnjë vend pune nuk vihet në rrezik.
Vlerësohet se numri i shqioptarëve të punësuar në kompanitë që operojnë me fonde të shtetit italian është rreth 3 mijë, afërsisht 10% e totalit. Në total numri i shqiptar që punojnë në këtë sektor arrin rreth 25 mijë.
shqiptarja.com/d.i.
