Ende pa përfunduar orari zyrtar i votimeve, ora 19:00, është mbyllur para kohe votimi në QV 2160 në Kavajë.
Materialet zgjedhore të qendrës së votimit 2160 në Synej, janë dërguar në KZAZ numër 42 në Kavajë ku do të kryhet procesi i numërimit.
Në një prononcim për gazetaren e Report Tv, anëtari i qendrës së votimit, tha se kutitë i kanë sjellë me vullnetin e tyre pa asnjë urdhër, duke thënë se kishin 5 orë në qendër votimi që prisnin pa ardhur asnjë qytetar për të votuar. “Pritëm 5 orë, asnjë votues nuk erdhi. Atëherë çfarë do të bëja unë? Nuk ka njeri tjetër, janë të gjithë në Itali”, tha ai për Report Tv.
Qendra e votimit me numër 2160 në fshatin Synej të Kavajës kishte vetëm 57 vota, nga 100 persona në lista.
KZAZ ka marrë vendim të mos i pranojë kutitë pa shkuar orari zyrtar i mbylljes së votimit, duke i lënë ato jashtë ambiente të Qendrës së Numërimit.
g.kosovari
