Pas disa orësh debat mes palëve, mbledhja e Komisionit të Posaçëm për Reformën në Drejtësi është mbyllur pa asnjë marrëveshje mes mazhorancës dhe opozitës.
Deputetët e pakicës paraqitën 10 pika që kanë të bëjnë me çështje konkrete që opozita i kundërshton.
Opozita ka këmbëngur që të bëhet një debat në nivel politik për t’i dhënë zgjidhje konsensuale këtyre pikave, ndërsa deputetët e mazhorancës argumentuan se çështjet e parashtruara nga opozita janë të karakterit teknik dhe synojnë bllokimin e procesit.
Deputeti socialist Pandeli Majko deklaroi se opozita synon të bllokojë procesin me pretendimet e reja që ka ngritur.
Ndërkohë deputeti i LSI Spartak Braho ka kërkuar gjetjen e gjuhës së përbashkët të konsensusit.