Ekuadori në bashkëpunim me Kolumbinë kanë arrestuar së fundmi ekuadorianin Wilder Emilio Sánchez Farfán, alias Gato Farfán , i cili kërkohet për qëllime ekstradimi për kryerjen e krimeve të ndryshme.
Ministri i Brendshëm, Juan Zapata tha se në një operacion të përbashkët mes policisë së Ekuadorit dhe Kolumbisë, më 8 shkurt, në qytetin Pasto (Kolumbi), u kap një nga trafikantët më të kërkuar të drogës në botë. Ai shtoi se Farfan është lideri i kartelit të vetëquajtur Nueva Generación Ecuador.
Zapata tregoi se i arrestuari koordinonte dërgimin e drogës në Shtetet e Bashkuara përmes modaliteteve të ndryshme përmes porteve kryesore të Ekuadorit dhe Meksikës në bashkëpunim me kartelet Sinaloa dhe Jalisco Nueva Generación. Ekuadoriani i arrestuar thuhet se është përgjegjës për masakrat që ndodhën në burgjet e Ekuadorit vitet e fundit, si dhe për disa vdekje të dhunshme si ajo e Carlos Kada alias Rasquiña .
Në Ekuador pati edhe bastisje në provinca si Imbabura dhe Guayas. Komandanti i Përgjithshëm i Policisë, Manuel Íñiguez tha se Gato Farfán konsiderohet një kriminel me vlerë të lartë me lidhje ndërkombëtare. Ai tha se në tre bastisje, në Guayaquil, janë sekuestruar telefona satelitorë, GPS, 319 mijë dollarë dhe është ndaluar një bashkëpunëtor me kombësi shqiptare, ndërsa në Imbabura një bastisje u krye në një “kala” që kishte dyer të blinduara dhe katër kasaforta, 90 mijë dollarë dhe u gjet një armë zjarri.
Gato Farfán’ ishte arrestuar në vitin 2013 dhe më pas ishte liruar. Autoritetet e konsiderojnë Farfan si “trafikantin më të madh të drogës” sepse ishte ai që transportonte më shumë drogë në Shtetet e Bashkuara dhe Evropë.
/e.d
