Parlamenti britanik do të pezullohet vetëm disa ditë pasi deputetët të kthehen në punë në shtator – dhe vetëm disa javë përpara afatit të Brexit, shkruan BBC.
Boris Johnson tha se mbretëresha do të mbajë një fjalim, në 14 tetor, për të prezantuar, atë që e quajti “axhendën e tij entuziazmuese”.
“Kemi nevojë për ligje të reja e të rëndësishme dhe për këtë arsyeje mbretëresha do të mbajë një fjalim në 14 tetor. Duhet të vazhdojmë përpara me një program të ri legjislativ”, deklaroi kryeministri britanik.
Pezullimi do të thotë se deputetët nuk kanë të drejtë të kalojnë ligje dhe as të mbajnë fjalime.
Kryeministri Johnson ka deklaruar se kërkon largimin nga BE me një marrëveshje, por nëse ajo nuk arrihet, largimi duhet të ndodhë gjithsesi. /l.m
