Një ngjarje e rende ne ka tronditur Korçën mengjesin e sotëm. Vret veten me arme zjarri shtetasi Sefedin Zenellari.
Sipas informacioneve të para nga policia viktima është kunati i 57-vjeçarit Gramoz Nako, i cili dyshohet se u vra ditën e djeshme.
Nuk dihen ende rrethanat e ngjarjes, ndërsa policia po punon për zbardhjen e rrethanave të vetëvrasjes.
Mbreme 57-vjeçari Gramos Nako, baba i tre fëmijëve, është gjetur i vrarë në banesën e tij në Lagjen numër 7, në rrugën “Ismail Qemali” të këtij qyteti.
Trupi u gjet nga bashkëshortja dhe fillimisht u dyshua për një vetëvrasje, pasi fqinjët nuk kishin dëgjuar asnjë zhurmë. Mirëpo, nga hetimet paraprake të oficerëve të Policisë dyshohet së në fakt kemi të bëjmë me vrasje.
Nako u gjet i ekzekutuar me armë zjarri nga bashkëshortja e tij, Natasha Nako. Çifti kishte vetëm dy ditë që ishte kthyer nga Turqia, ku ndodheshin me pushime bashkë me fëmijët. “Më datë 08.07.2019, në lagjen nr. 7, në banesë është gjetur nga bashkëshortja shtetasi G.N., 57 vjeç, i pajetë, i vrarë me armë zjarri në rrethana ende të paqarta.
