Paraditen e së enjtes opozita do të mbledhë grupin e punës, në një kohë që mazhoranca dhe opozita parlamentare do të mbledhin komisionin e Reformës Zgjedhore.
Sipas mediave informative, PD deklaron se opozita është e angazhuar për këtë reformë dhe e ka shprehur vullnetin për të dhënë kontributin e saj. Pikërisht për këtë arsye nesër paradite do të mblidhet grupi i punës së opozitës së bashkuar.
“Opozita është thellësisht e angazhuar me Reformën Zgjedhore. Ne kemi bërë të qartë tek tryeza e organizuar nga OSBE që duam të japim kontributin tonë për reformën. Për këtë qëllim, nesër në orën 9:30, do të mblidhet grupi i punës së opozitës së bashkuar për reformën zgjedhore”, deklaruan burime nga zyra e PD.
