Ditën e sotme u zhvillua mbledhja e Këshillit Konsultativ, Qeveri Qendrore – Vetëqeverisje Vendore, e cila u kryesua nga Romina Kuko, Zv/ Ministër i Brendshëm si dhe Aldrin Dalipi, Kryetar i Këshillit të Qarkut Tiranë.
Në mbledhje u diskutuan disa projektvendime të rëndësishëm për emërtimin e tabelave rrugore dhe në hapësira të tjera publike si ai për transferime pronësie nga pushteti qendror drejt atij vendor.
Të pranishëm ishin dhe aktorë nga qeveria qendrore, vetëqeverisja vendore, shoqatat e bashkive dhe qarqeve dhe përfaqësues ndërkombëtarë ku u diskutua me transparence për rreth 2 orë projekt vendime të rëndësishme për territorin dhe qytetarët. Me interes të veçantë u prit fjala e përfaqësueses së Ambasadës së Zvicrës znj.Chantal Nicod mbi Konkursin e Praktikave të mira.
Vendimet e diskutuara që më pas u miratuan janë si më poshtë:
-“Për përcaktimin e specifikimeve teknike të tabelave të emërtimeve të bulevardeve, rrugëve, rrugicave, shesheve, e parqeve dhe të numërimit të ndërtesave”.
-“Për sigurimin e detyrueshëm në sektorin e transportit”.
-“Për disa ndryshime në vendimin nr. 433, datë 8.6.2016 të Këshillit të ministrave “për transferimin në pronësi të bashkive të pyjeve dhe kullotave publike sipas listave të inventarit dhe aktualisht në administrim të Ministrisë së Mjedisit e të ish-komunave/bashkive”.
– “Për disa ndryshime në vendimin nr. 1108, date 30.12.2015 të Këshillit të Ministrave “Për transferimin nga Ministra e Bujqësisë, Zhvillimit Rural dhe Administrimit të Ujerave te Bashkitë të Infrastrukturës së Ujitjes dhe Kullimit, të personelit dhe të aseteve të luajtshme dhe të paluajtshme të bordeve rajonale të kullimit”, të ndryshuar.
