Pas thirrjeve të ish kryeministrit Sali Berisha në Kuvend, ku tha se nëse maxhoranca nuk voton ‘Vetingun në Politikë’, do të përballen me “djemtë që do rrëmbejnë armët”, pritet të mblidhet Byroja e Kuvendit për të marrë vendimin për perjashtimin e tij.
Kreu i Kuvendit, Gramoz Ruci tha se Byroja e Kuvendit do të mblidhet sot në orën 18:30 për të marrë vendimin për Berishën si dhe Lulzim Bashën. Gjithashtu Byroja Kombëtare do shqyrtojë edhe kërkesën e PD për të penalizuar kryeministrin Edi Rama.
Kërkesa është firmosur nga disa deputetë te PD, të cilët shprehen se gjatë seancës Rama përdori fjalor fyes dhe denigrues ndaj grupit parlamentar të PD dhe deputetëve të veçantë të PD. Byroja do të analizojë edhe ‘atentatorin’ e PD, deputetin Hasa i cili u përpoq të godiste kreun e qeverisë. Ndaj tij PS ka nisur edhe procedurat për t’i kërkuar Prokurorisë ndjekjen penale. Deputeti i PD Hasa është mjaft i njohur, pasi ai është autori i fshirjes së serverave të kryeministrisë me 21 janar, ku u vranë 4 protestues të opozitës./a.meta
