Zgjedhjet e 21 qershorit, zgjedhje ku fusha ku luhej ishte ndryshe për nda ndarja e re administrativo-territoriale, ka prodhuar natyrisht edhe drejtuesit e rinj të njesive po të reja administrative.
Pas të gjtihë ankimimeve nga KQZ, nga partitë e medha deri tek ato më të voglat, kanë filluar konstituimet e këshillave dhe kryetarëve të rinj bashkiakë në 61 njësitë administrative.
Kështu, të enjten pritet që të konstituohet Këshilli Bashkiak i Tiranës, bashkisë më të madhe në vënd, ndërkohë që Fieri, Librazhdi etj, janë konstituuar dhe kanë filluar punën zyrtarisht. Por, përpos zbatimit të ligjeve për konstituim, ajo që bie në sy është që mesa duket këto zgjedhje kanë krijuar problematikë. Në 15 bashkitë e fituara nga e djatha, në vetëm 2 prej tyre ajo ka fituar edhe Këshillin Bashkiak.
Përkatësisht, në Vaun e Dejës dhe në Shkodër, PD ka fituar edhe kryetarin e bashkisë edhe mazhorancën në Këshillin Bashkiak. Trembëdhjetë bashkitë e tjera të fituara nga Partia Demokratike, kanë mazhorancë të koalicionit të ASHE-së.
Pikërisht ky fenomen, ka shkaktuar tensionin e parë, ku sot në Mallakastër këshilltarët e majtë kanë bojktuar konstituimin e Këshillit Bashkiak për të dytën herë rradhazi brenda një jave.
Është pikësisht paradoksi i votave që kanë shkuar pro kandidatit e kundër partisë, që kanë çuar në një ndërç konstituimi.
Ndërkohë ASHE, në të gjitha njësitë administrative ku ka marrë mandatin kandidati i tyre, kanë fituar edhe në Këshill Bashkiak mazhorancën.
Mesa duket situata postzgjedhore nuk do të jetë aq e qetë sa ç’pritej, e lufta politike do ndizet për të lënë dhe një herë problemet serioze mënjanë.
