Mbledhja e grupit parlamentar të PD-së dhe mundësia për “rrëshkitjen” e votave nga opozita ka sjellë mjaft tensione, teksa në raportimin që Basha ka bërë para deputetëve për takimin me Ramën, u ka dhënë mesazhin të tijëve dhe maxhorancës se, nëse ndodh që votat do të “blihen”, i gjithë grupi parlamentar do të djegë mandatet.
Basha ka shtuar gjithashtu se ambasadorja e BE-së Romana Vlahutin është pozicionuar qartë politikisht krah qeverisë për reformën në drejtësi.
Basha e ka nisur takimin duke i informuar deputetët pët takimin e djeshëm me Ramën, duke thënë se ai mashtroi gjatë prononcimit të tij publik. Basha shtoi se në 90% të kohës në takim është folur për “vendet e rezervuara”.
Një replikë me Bashën mësohet të ketë bërë deputeti Eduard Selami i cili e ka pyetur këtë të fundit nëse qëndrimi që po mban PD kundrejt reformës është në përplasje me ndërkombëtarët.
Mësohet gjithashtu se Basha ka thënë se deklarata e drejtueses së Lartë të Komisionit Europian Mogherini, është e shkruar në Tiranë…
Ndër të tjera Mogherini tha se votimi i reformës në drejtësi është përgjegjësi e çdo deputeti.
Vijon…
