Kryeministri Edi Rama e ka fokusuar mbledhjen e rradhës së grupit të PS-së në seancën e ardhshme parlamentare, duke u kërkuar deputetëve të tij që të ruajnë qetësinë dhe të mos bien pre e provokimeve të opozitës. Në mbledhjen me dyer të mbyllura të Grupit të PS në selinë rozë, mësohet se Rama u ka thënë deputetëve:
“Seanca duhet të vijojë normalisht, pavarësisht veprimeve të opozitës… mos bini pre e provokimeve”
Të enjten e shkuar seanca parlamentare është bblokuar nga opozita, e cila ka gjuajtur edhe me vezë dhe letra drejt Kryeministrit. E enjtja e shkuar solli një sërë situatash të tensionuara, teksa më herët ka qenë Ish kryeministri Berisha i cili ka parlajmëruar për një bojkot të mundshëm dhe për mundësinë e lënies së mandatit. Deri tani, në PD janë shqyrtuar një sërë alternativash, por mesa duket opsioni i dhënë nga Berisha mbetet ende njëra ndër mundësitë që qëndron në tavolinë.
Ndërkohë këtë të hënë me nisjen e punës së përjavshme të komisioneve parlamentare, opozita i ka braktisur këto të fundit duke mos u paraqitur. Një veprim ky i paralajmëruar menjëherë pas vendimit të Byrosë së Parlamentit për të dënuar me përjashtim nga punimet e kuvedit për disa ditë 3 deputetët e PD-së të cilët tentuan të godasin me vezë Kryeministrin Rama.
