Në mbledhjen me dyer të mbyllura të grupit parlamentar të PS-së, është ndezur një debat mes deputetëve në lidhje me përjashtimin me 10 ditë nga Kuvendi të Sali Berishës. Deputetja socialiste Arta Dade ka debatuar me Gramoz Ruçin, duke u shprehur se ajo në Byronë e Parlamentit ka firmosur që Berisha të ndiqej penalisht për deklaratën e tij për thirrje nën armë që ky i fundit bëri të enjten e kaluar. Në kundërpërgjigje kreu i grupit të PS ,Ruçi ka thënë se kjo çështje nuk është në tagrin e PS-së por të kuvendit dhe prokurorisë.
Një tjetër moment i nxehtë ka qenë ai i kërkesës së kreut të komisionit parlamentar të ekonomisë Erjon Braçe, i cili është ankuar për mungesën e shpeshtë të Koço Kokëdhimës në komision. Braçe ka kërkuar që deputeti të jetë prezent në vendin e tij të punës, në të kundërt të zëvendësohet.
Debatet
Arta Dade- Ramës: Kaq mund të themi për masën ndaj Berishës? Nuk firmosëm për largim 10 ditor të Berishës. Të ndiqet nga kryesia cështja e tij. Në kërkesën e grupit firmosa që Berisha të ndiqej penalisht
Ruçi: Ne kaq kemi në dorë, prokuroria vendos për hetimin
Braçe: Më sillni Kokëdhimën në Komisionin e Ekonomisë ose zëvendësojeni… Kokëdhima po bllokon punën e Komisionit të Ekonomisë
Paulin Stërkaj: Të hapet një zyrë e QKR në Malësi të Madhe… të investohet në rrjetin energjetik
