Mbledhja e grupit parlamentar të PS-së këtë të hënë është drejtuar nga Kryeministri Edi Rama dhe ka zjgatur rreth 1 orë. Në mbledhjen me dyer të mbyllura dy kanë qenë kërkesat drejtuar grupit, njëra e deputetit Ben Blushi dhe tjetra e Kokëdhimës.
Deputeti Blushi ka kërkuar të dijë se kur nis fushata për postin e kreut të PS-së, një fushatë që më shumë sesa e tillë, është një hapësirë kohore derisa të vijë data 9 prill, kur dhe do të zhvillohet referendumi brenda në PS. Pyetjes së Blsuhit i është përgjigjur Ruçi i cili ka thënë se fushata ka nisur tashmë që sot.
Nga ana tjetër, kërkesa e deputetit Kokëdhima ka qenë ajo e javës së shkuar, nevoja për të sqaruar se përse ai nuk është njoftuar për dërgimin e mandatit të tij në Gjykatën Kushtetuese. Në fakt, një kërkesë për sqarim, e cila ka marrë po të njëjtin sqarim, edhe një herë, nga Gramoz Ruçi, i cili tha se cdo propozim që vjen nga kjo Gjykatë kalon menjëherë në rend dite.
