Kryetari i Partisë Demokratike Lulzim Basha përfundoi mbeldhjen e dytë zhvilluar brenda ditës së sotme me aleatët parlamentarë.
Mësohet se në takim u diskutua për paketën McAllister, e cila është risjellë si një opsion zgjidhjeje për krizën pas takimeve të krerëve politik me zyrtarin e DASh Hoyt Brian Yee.
Burimet nga tryeza opozitare bëjnë me dije se në takim u diskutua për numërimin elektronik dhe identifikimin biometrik të zgjedhësve.
Disa nga aleatët janë shprehur të dyzuar, nën arsyetimin se tashmë nuk ka më kohë për realizimin e një kërkese të tillë.
Ndërkohë të tjerë kanë thënë se është i mundshëm implementimi i paisjeve për të arritur numërimi elektronik.
Po sipas të njëjtave burime, bëhet me dije se deri në mbrëmje pritet një vendim nga ana e opozitës nëse do të pranohet paketa McAllister./a.m.
